Uncategorized

#ဖုတ်သောင်းကျန်းတဲ့ည#

ပြန်လည်မျှဝေလိုက်ပါ..


မှတ်မှတ်ရရ ရွာက ဘွားတင်လှ ဆုံးတုန်းက အကြောင်းလေး ဖောက်သည်ချအုံးမယ်။
ဘွားတင်လှက ဒေါ်ကပ်စီးဗျ။အလှူအတန်းဆို နည်းနည်းမှမရှိ။အိမ်ရှေ့ဘုန်းကြီး ဆွမ်းခံ ကြွတာတောင် တွေ့ရင် အိမ်တံခါးပိတ်ပစ်တာ။

သူ့ဝမ်းတောင် သူမသထာဘူးဗျ။ သူကယောက်ျာက မရှိတော့ဘူးဆိုတော့ ရွာမှာ သားမိနှစ်ယောက်ပဲနေတာ။ရွာနာမည်တော့ မပြောတော့ပါဘူးဗျာ။ မသေခင်ထူးဆန်းတယ်ဗျ။တစ်ရက် အသည်းအသန်နေမကောင်းဖြစ်တော့ သားငတင်က နာမည်ကြီး ဆရာဝန်နဲ့ ပြဖို့ လက်မခံဘူး။ပိုက်ဆံကုန်မှာစိုးလို့တဲ့ ။ နောက်ဆုံး မတတ်နိုင်တဲ့ အဆုံး သားဖြစ်သူက မြို့တက်ပြီး ဆရာဝန် သွားခေါ်တာပေါ့။ဘွားတင်လှ ကြီးကတော့ တစ်ရွာလုံးကြည့်မရတော့ ဘယ်သူမှ လာမကြည့်ကြဘူးလေ။အိပ်ယာထဲမှာ တစ်ယောက်တည်းကျန်ခဲ့တာပေါ့။ ငတင်က ဆရာဝန်ပင့်ပြီးပြန်လာတော့ ဘွာတင်လှ တစ်ယောက် ရေချိုး ၊ သနပ်ခါးတွေ လိမ်းပြီးလှပ နေတာတွေ့တော့ ငတင်က အံ့ဩသွားတာပေါ့။
မနက်ကမှ အိပ်ယာထဲ ဘုန်းဘုန်းလဲ ပြီး မစားနိုင်မထနိုင်ဖြစ်နေတဲ့ အမေအိုက အခု သူမဟုတ်သလို ပဲ ။
ဆရာဝန်ကို တောင်းပန်ပြီး ပြန်ပို့ ပြီးတော့ အမေ့ကို မေးတာပေါ့။
“အမေ ဘယ်လိုဖြစ်ပြီး ပျောက်သွားတာလဲ ဗျ”
အမေက ဘာမှ မပြောဘူး။ပြီးတော့ ခဏ ခဏ ဆိုသလို ထမင်းစားနေတော့တာပဲ။ အရင်က သားမိနှစ်ယောက် တစ်ရက်လုံးစားမကုန်တဲ့ထမင်းကို တထိုင်ထဲ ထိုင်စားတာဗျ။ ငတင်က သူ့အမေ နေကောင်းရင်ပြီးရော ဆိုပြီးလွှတ်ထားတာပေါ့။
တစ်ဖြည်းဖြည်းနဲ့ ပိုကုန်တယ်ဗျ။ တစ်ဖြည်းဖြည်းနဲ့ ငတင်က မသင်္ကာဖြစ်လာပြီ၊ အဲ့ဒါနဲ့ ရွာဦးကျောင်းက ဆရာတော်ကို လျှောက်တော့ ဆရာတော်က မိန့်လိုက်တယ်။ ညနေကျရင် အိမ်ကိုလာပြီး အခြေအနေ ကြည့်ပေးမယ်တဲ့။အဲ့လိုနဲ့ ငတင်က အိမ်ပြန်ပြီး အရင်လိုပဲ အကဲခတ်နေတာပေါ့။ ထမင်းတွေကို အိုးလိုက် ဟင်းတွေ နဲ့ နယ်ပြီး အားရပါးရ စားနေလိုက်တာများ ကြည့်တောင်မကောင်းဘူးဗျာ။
ညနေစောင်းတော့ ဆရာတော်ကြွလာတယ်။ဆရာတော် အိမ်ပေါ်ကြွလာတော့ ဘွားတင်လှက မျက်ထောင့်နီနဲ့ ကြည့်ပြီး ထသောင်းကျန်ပါလေရော။
တစ်အိမ်လုံးကို ဗျောင်းဆန်အောင် သောင်းကျန်လိုက်တာမှ။
အကုန်လုံးဆင်းပြေးရတယ်။
ဘုန်းဘုန်းက မနက်ဖြန်ကျောင်းကို လာခဲ့ပါတဲ့။ ငတင်ကိုမိန့်ပြီးပြန်ကြွသွားတယ်။ ငတင်က အမေကိုမနည်းချော့မော့ပြီး ပေးအိပ်လိုက်ရတယ်။
မိုးလင်းတော့ ငတင်က ဘုန်ကြီးကျောင်းကို လာခဲ့တယ်။ကျောင်းရောက်တော့ ဆရာတော် ကဘုရားစင်ပေါ်က အင်းချပ်တစ်ချပ်ပေးတယ်။ပြီးတော့ ဆရာတော်က
” ကဲ ငတင် အဲ့အင်းချပ်ကို ယူသွား။ နင့် အမေ အိပ်တဲ့ အိပ်ယာအောက်မှာ သူမသိအောင် သွားထား။
သုံးရက်အတွင်း ထူးခြား မခြားစောင့်ကြည့်။ မထူးခြားဘူးဆိုရင် ငါ့ဆီ တစ်ခါပြန်လာခဲ့။ အော် တစ်ပါတည်း ပရိတ်ကြိုးပါယူသွား ကုတင်ရဲ့ လေးဖက်လေးလံ မှာ ချည်ထားလိုက်။”
” တင်ပါ့ ဘုရား ”
” တပည့်တော် ပြန်လိုက်ပါအုံးမယ် ဘုရား ”
” အေ အေ ကောင်းပြီ ”
အဲ့ဒါနဲ့ ငတင်တစ်ယောက်လည်း ဆရာတော်ပေးတဲ့ ပစ္စည်း တွေကို ယူပြီး အိမ်ပြန်လာခဲ့တယ်။
အိမ်ရောက်တော့ အမေက ထုံးစံအတိုင်း ဆွဲရေးပေးနေပြီ၊
အမေမသိအောင် တိတ်တိတ်လေး အိမ်ပေါ်ကို တက်လာတာပေါ့။ ပြီးတော့ အိပ်ယာထဲကို သွားပြီး ဆရာတော် ပြောတဲ့အတိုင်း စီစဉ်ပြီး အသာလေးစောင့်ကြည့်နေတာပေါ့။ တစ်ရက် ၊ နှစ်ရက် ၊ မထူးခြားဘူးဗျ။ သုံးရက်မြောက်တဲ့ နေ့မှာစပြီ၊
အမေတစ်ယောက် အိပ်နေရင်းနဲ့ ညဉ်းသံ ထွက်လာတယ်။တစ်ဖြည်းဖြည်းနဲ့ ပိုဆိုးလာတယ်။တစ်ကိုယ်လုံး အိပ်ယာပေါ်မှာ လူးလိမ့်ပြီး အော်ဟစ်နေတော့တာပဲ ။ အိပ်ယာတစ်ခုလုံးလဲ ဆုတ်ဖြဲ ပစ်တာများ မြင်မကောင်းစရာကြီး။ ပါးစပ်ကလဲ တဝူးဝူး တဝါးဝါး နဲ့ အသံနက်ကြီးနဲ့ အော်ဟစ်ပြီး ငြိမ်ကျသွားတော့တယ်။
အဲ့တော့မှ ငတင်တစ်ယောက် ဆရာတော်ဘုရားကိုပင့်ပြီး တစ်အိမ်လုံးကို ပရိတ်ရွတ် ပရိတ်ရေ ဖျန်းပြီး ဘွားတင်လှ အတွက် အမျှ အတန်းလေးပေးဝေတာပေါ့။
ပြီးတော့ ဘွားတင်လှ အလောင်းကိုမြေချပြီး အိမ်မှာ အလှူအတန်းလုပ်တော့ ကျနော်တို့ အဖွဲ့လည်း သူ့အိမ်မှာ သွားဝိုင်းလုပ်ရင်း ညဖက်ဖဲ ထိုင်ရိုက်တာပေါ့။
ဖဲရိုက်ရင်း အဲ့အကြောင်းတွေကို ငတင်က ပြန်ပြောပြနေတာ။
ကျနော်တို့ အဖွဲ့ လည်းငတင်ပြောတာကို အာရုံစိုက်ပြီး နားထောင်နေတာပေါ့။
အဲ့အချိန်မှာ မီးက ဖျက်ကနဲ ဆိုပျက်သွားတယ်။
ငတင်က မီးအိမ်လေးထွန်းလိုက်တယ်။
အမှောင်ထဲမှာ ဘွားတင်လှ ဓာတ်ပုံ က အသက်ဝင်ပြီးဒေါသထွက်နေတဲ့ မျက်လုံးအစုံနဲ့ ကြည့်နေသလိုပဲ။ ကျနော်လည်း မျက်လုံးက ဘွားတင်လှဆီရောက်သွားခဲ့တယ်။ ကျနော်လည်း တွေ့ ရော ဓာတ်ပုံ ထဲကနေ ဘွားတင်လှကြီးထွက်လာတာတွေ့လိုက်ရတယ်။ အသက်ရှူရပ်မတတ် လန့်ပြီး တစ်ချိုးထဲ အိမ်ပေါ်ကနေ ဆင်းပြေးကြတာ ဖိနပ်တောင် တစ်ယောက်မှ မပါဘူး။ငတင်ပါဆင်းပြေးတာ၊
ကျနော်နောက်ပြန်လှည့်ကြည့်တော့ ပြတင်းပေါက်ကနေ ဘွားတင်လှ ကြီးခါးထောက်ပြီးကြည့်နေတာ လှမ်းမြင်လိုက်ရတယ်ဗျာ။
ကြောက်လန့်စရာကြီး။
အိမ်ရောက်တော့ အိပ်တောင်မပျော်ပါဘူးဗျာ။ကြောက်လိုက်တာပြောမနေပါနဲ့။

သူငယ်ချင်းတို့ရော ကြုံဖူးကြလား?
ဖိုးသူတော် (www.phothutaw.com)
Credit: satmisatyar

ပြန်လည်မျှဝေလိုက်ပါ..

Leave a Comment