LifeStyle

ကိုယ့်ကိုရန်ပြုဖို့ကြံနေတဲ့ အန္တရာယ်သားကောင်များလက်မှ လွတ်မြောက်နိုင်မယ့်နည်းလမ်း

ညဘက်အလုပ်က ပြန်လာတဲ့ချိန်ပဲဖြစ်ဖြစ်၊ တစ်ယောက်ထဲခရီးသွားတဲ့ အခါမှာပဲဖြစ်ဖြစ်၊ မိန်းကလေးတွေ အနေနဲ့ လုံခြုံစိတ်ချမှုရှိစေဖို့ အတွက်တော့ ခုခံနည်း၊ ကိုယ်ခံစွမ်းအားတစ်ခုခု တတ်မြောက်ထားဖို့ လိုပါတယ်။ ရုတ်တရက်ဆိုသလို လူတစ်ယောက်က သင့်ရှေ့ကပိတ်ရပ်ပြီး ရန်ပြုတော့မယ်ဆိုရင် သင်ဘယ်လိုတုံ့ပြန်မလဲ။ လူပြတ်တဲ့လမ်းပေါ်မှာ အကူအညီတောင်းလို့ မရတဲ့အခါ သင်ကိုယ်တိုင်ပဲ ခုခံရတော့မှာပါ။ ဒါ့ကြောင့်မို့လို့ အန္တရာယ်သားကောင်များရဲ့ လက်ကလွတ်မြောက်ဖို့အတွက် ဘယ်လို ခုခံတိုက်ခိုက်ရမယ်၊ ဘယ်လိုရှောင်ရှားရမယ်၊ ဘယ်လိုသတိထားရမယ် ဆိုတာနဲ့ ပတ်သတ်ပြီး မိန်းကလေးတိုင်း သိထားသင့်ပါတယ်။

 

(၁) အသိနဲ့သတိရှိပါ

လူသွား၊ လူလာပြတ်တဲ့လမ်းပေါ်မှာ ကိုယ့်ရဲ့ရှေ့နောက်၊ ဘေးပတ်ဝန်းကျင်က လူတွေကို သတိထားပြီး စောင့်ကြည့်ပါ။ ဖုန်းသုံးနေတာ၊ အတွေးလွန်နေတာမျိုး ဖြစ်နေရင် အန္တရာယ်သားကောင်အတွက် အခွင့်ကောင်း ဖြစ်သွားပါလိမ့်မယ်။ ဒါ့ကြောင့် တစ်ယောက်ထဲ လမ်းလျှောက်တဲ့အခါမှာ ကိုယ့်ရဲ့ ဘေးပတ်ဝန်းကျင်ကို အမြဲစူးစမ်းပြီး သတိနဲ့အသိရှိဖို့ လိုပါတယ်။

(၂) စပရေးဘူးဆောင်ထားပါ

တကယ်လို့ သင်ကတစ်ယောက်ထဲ ခရီးသွားလေ့ရှိသူ၊ ဒါမှမဟုတ် ညဘက်တွေမှာ တစ်ယောက်ထဲ အိမ်ပြန်ရတဲ့ သူဆိုရင်တော့ အိတ်ထဲမှာ ခုခံလို့ရမယ့် ပစ္စည်းတစ်ခုခု ဆောင်ထားနိုင်ပါတယ်။ စပရေးဘူး ဒါမှမဟုတ် ငရုတ်ကောင်းမှုန့် တို့လို အလွယ်တကူခုခံနိုင်မယ့် ပစ္စည်းတွေကို အိတ်ထဲအမြဲဆောင်ထားပါ။ ကိုယ်ခံစွမ်းအားထုတ်သုံးဖို့အတွက် မတတ်နိုင်တဲ့အခါ ဒီနည်းလမ်းကို အသုံးပြုနိုင်ပါတယ်။

(၃) အိမ်နဲ့အမြဲအဆက်အသွယ်လုပ်ပါ

အိမ်ပြန်ချိန်တွေဆိုရင် ဘယ်ရောက်နေပြီ၊ ပြန်လာနေပြီဆိုတဲ့အကြောင်းကို အိမ်ကမိသားစုဝင်တွေကို ဖုန်းဆက်အသိပေးပါ။ ဖြစ်နိုင်ရင် သင့်ရဲ့တည်နေရာကို ခြေရာခံနိုင်မယ့် Location App တွေထည့်ထားပါ။ ကားမှတ်တိုင်မှာ တစ်ယောက်ထဲကားစောင့်နေတဲ့အချိန်မှာ အန္တရာယ်သားကောင်လို့ ယူဆရတဲ့ သူစိမ်းတစ်ယောက်ယောက် ချဉ်းကပ်လာပြီဆိုတာနဲ့ အိမ်ပြန်လာနေပြီ၊ မှတ်တိုင်မှာ ကားစောင့်နေပြီဆိုတဲ့အကြောင်းကို အိမ်ကမိသားစုတွေထံ ဖုန်းဆက်ပြောပါ။

(၄) ပြန်လည်ခုခံပါ

ယောက်ျားလေးနဲ့ မိန်းကလေး အားချင်းမမျှဘူးဆိုပေမယ့် ဘယ်လိုမှ မတတ်သာတဲ့ အခြေအနေမျိုးကို ကြုံလာပြီဆိုရင်တော့ ပြန်လည်တိုက်ခိုက်ခုခံဖို့ လိုပါပြီ။ သင့်အနေနဲ့ တံတောင်ဆစ်နဲ့ ဒူးကို အားကိုးပြီး ခုခံနိုင်ပါတယ်။ အနောက်ဘက်ကနေ သင့်ကို သိုင်းဖက်ပြီး တိုက်ခိုက်လာရင် တံတောင်ဆစ်နဲ့ တိုက်ပါ၊ အရှေ့ကနေ ပိတ်ရပ်ပြီး တိုက်ခိုက်တော့မယ်ဆိုရင် ဒူးခေါင်းကို အသုံးပြုပြီး ပြန်လည်တိုက်ခိုက်ပါ။ ပြီးရင်တော့ လွတ်ရာပြေးပြီး အော်ဟစ်အကူအညီတောင်းပါ။

(၅) စီစီတီဗွီရှိရာသို့ပြေးဝင်ပါ

သင့်ကိုအန္တရာယ်ပြုမယ့် သူတစ်ယောက်ယောက် နောက်ကလိုက်လာတဲ့အချိန်မှာ အကူအညီတောင်းဖို့ လူတွေပြတ်နေမယ်၊ အိမ်တံခါးတွေ ပိတ်ထားတယ်ဆိုရင်တော့ စီစီတီဗွီရှိတဲ့ နေရာကိုပြေးဝင်ပြီး ဖုန်းဆက်အကူအညီ တောင်းနိုင်ပါတယ်။ ဥပမာအားဖြင့် ATM (အေတီအမ်) စက်ခန်းတွေမှာဆိုရင် ၂၄နာရီ စီစီတီဗွီတပ်ထားတဲ့အတွက် သင့်အတွက် လုံခြုံတယ်လို့ ဆိုရပါမယ်။ သင့်ကိုအန္တရာယ်ပြုမယ့်သူကလည်း သင့်ကိုရန်ပြုဖို့ တွန့်ဆုတ်နေပါလိမ့်မယ်။

(၆) အိမ်မှာတိုက်ခိုက်ခံရရင်…

အိမ်မှာသင်တစ်ယောက်ထဲ ရှိနေတဲ့အချိန် သူစိမ်းတစ်ယောက် ရောက်လာပြီး ရန်ပြုတော့မယ်ဆိုရင် မီးဖိုခန်းထဲကို ပြေးဝင်ပါ။ မီးဖိုခန်းထဲမှာရှိတဲ့ ဓား၊ ခက်ရင်း၊ ကျည်ပွေ့၊ ငရုတ်ကောင်းမှုန့်၊ ငရုတ်သီးမှုန့်၊ စတာတွေက ရန်သူကိုပြန်လည်ခုခံဖို့ အထောက်အကူပြုပါလိမ့်မယ်။

(၇) တစ်ယောက်ထဲဓာတ်လှေကားစီးချိန်…

မိန်းကလေးတွေအတွက် ဓာတ်လှေကားတစ်ယောက်ထဲ စီးတဲ့အချိန်ကလည်း သတိထားရမယ့် အချိန်ပါပဲ။ ကိုယ်စီးနေတဲ့ ဓာတ်လှေကားထဲကို မူမမှန်တဲ့သူတစ်ယောက်ယောက် ဝင်လာပြီဆိုတာနဲ့ ဓာတ်လှေကားနံပါတ်တွေကို အကုန်သာနှိပ်ပစ်လိုက်ပါ။ သင်သွားလိုတဲ့ အထပ်ကို တိုက်ရိုက်မသွားတော့ဘဲနဲ့ အထပ်တိုင်းတံခါးပွင့်နေတဲ့အတွက် ရန်သူအနေနဲ့ သင့်ကိုရန်ပြုဖို့ မလွယ်တော့ပါဘူး။

(၈) သက်တောင့်သက်သာရှိမယ့် ဖိနပ်ကိုစီးပါ

တစ်ယောက်ထဲ ခရီးသွားရင်ပဲဖြစ်ဖြစ်၊ သင့်ကညဆိုင်းအလုပ်ဆင်းသူ တစ်ယောက်ဆိုရင်တော့ သက်တောင့်သက်သာဖြစ်စေမယ့် ဖိနပ်ကို ရွေးချယ်စေလိုပါတယ်။ အရေးတစ်ခုခုကြုံလာတဲ့အခါမှာ လွတ်လွတ်လပ်လပ်နဲ့ ပြေးလွှားလို့ ရမယ့် ပေါ့ပေါ့ပါးပါးဖိနပ်နဲ့ဆိုရင် အဆင်ပြေပါလိ့မ်မယ်။

(၉) တစ်ယောက်ထဲ Taxi (တက်စီ) စီးတဲ့အခါ…

အထူးသဖြင့် ညဘက်တစ်ယောက်ထဲ Taxi စီးတဲ့အခါမှာ ကားပေါ်မတက်ခင် ကားနံပါတ်ကို ဓာတ်ပုံရိုက်လိုက်တာပဲဖြစ်ဖြစ်၊ ကားနံပါတ်ကို မှတ်ပြီးမှ ကားပေါ်တက်ပါ။ ကားထဲရောက်တဲ့အခါမှာလည်း မိသားစု၊ သူငယ်ချင်း တစ်ယောက်ယောက်ထံကို ဖုန်းဆက်ပြီး ကားနံပါတ်ဘယ်လောက်၊ ကားဘာအရောင်ကိုစီးပြီး အိမ်ပြန်နေပြီဆိုတဲ့အကြောင်းကို ကားဒါရိုက်ဘာကြားအောင် ပြောပါ။ ဒီလိုဆိုရင်တော့ သင့်ကိုရန်မပြုရဲတော့ပါဘူး။

(၁၀) တစ်ယောက်ထဲညဘက်ပါတီပွဲတက်တဲ့အခါ…

ဒီလိုပါတီပွဲ၊ ကလပ်၊ ဘားတွေမှာ အန္တရာယ်သားကောင်တွေ ရှိနေနိုင်တာကို သတိပြုသင့်ပါတယ်။ ဒ့ါကြောင့် ဖြစ်နိုင်ရင် သူစိမ်းတစ်ယောက်ယောက်က ငှဲ့ပေးလိုက်တဲ့ ဝိုင်၊ ဖျော်ရည်၊ ရေ ကိုမသောက်ပါနဲ့။

နန်း(ရွှေအင်းလေး)

( ဒီဆောင်းပါးကို Takhon ၏ မိတ်ဖက် Shweinnlay အွန်လိုင်းမီဒီယာမှ ကူးယူဖော်ပြပါသည် )

ပြန်လည်မျှဝေလိုက်ပါ..

Leave a Comment