LifeStyle

အလှဘုရင်မ ကင်မ်ကာဒါရှီယန်ရဲ့ အလှအပရေးရာလျှို့ဝှက်ချက်များ

ကင်မ်မိသားစုဝင်တွေကတော့ အလှအပရေးရာမှာ တကယ့်ကိုနာမည်ကြီး လူသိများတဲ့ သူတွေပါ။ ခန္ဓာကိုယ်အချိုးအစားကအစ အသားအရေပိုင်းဆိုင်ရာမှာလည်း အပြစ်ဆိုဖွယ်မရှိ လှချင်တိုင်း လှနေတဲ့ ကင်မ်ကာဒါရှီယန်ရဲ့ အလှအပရေးရာ လျှို့ဝှက်ချက်များကို အင်တာဗျူးတစ်ခုမှာ ပြောပြခဲ့တာပါ။ သူမရဲ့ နေ့စဉ် မိတ်ကပ်ပြင်ဆင်ပုံ၊ အသားအရေထိန်းသိမ်းနည်း၊ ဆံပင်ထိန်းသိမ်း နည်းလမ်းများကို သူမရဲ့ ပရိသတ်တွေအတွက် ဝေမျှပေးလိုက်ပါတယ်။

(၁) မျက်ခုံးမွှေးကို အညိုရောင်နဲ့ပုံဖော်တယ်

သူမရဲ့ မျက်ခုံးမွှေးကို အညိုရောင်ခဲတံနဲ့ ဆွဲလေ့ရှိတယ်လို့ သိရပါတယ်။ မျက်ခုံးကိုမွှေးကို သဘာဝကျကျလေးဖြစ်နေဖို့အတွက် တစ်မွှေးချင်စီ အဆင့်ဆင့်ပြုလုပ်တာပါ။ အဖျားပိုင်းကို အညိုရင့်ရောင်နဲ့ အရင်ဦးဆုံးဆွဲပြီး မျက်ခုံးအရင်းပိုင်း၊ အလယ်ပိုင်းကိုတော့ အညိုဖျော့ရောင်နဲ့ ပြန်ဖြည့်ဆွဲလိုက်ရုံပါပဲ။ ကင်မ်အနေနဲ့ မျက်ခုံးမွှေးအလှကို ပုံဖော်ဖို့ အချိန်ပိုပေးဖြစ်တယ်လို့ ဆိုပါတယ်။

(၂) မိတ်ကပ်ဘရက်ရ်ှကလည်း သူမအတွက်အရေးပါတယ်

ကင်မ်အနေနဲ့ မိတ်ကပ်လိမ်းခြယ်သရာမှာ မိတ်ကပ်ကဘရက်ရှ် ကောင်းကောင်းကိုမှ ရွေးချယ်အသုံးပြု ဖြစ်တယ်လို့ ဆိုပါတယ်။  ပြီးတော့ ဘရက်ရ်ှကို မကြာခဏ လဲလှယ်ပေးပြီး သန့်စင်ဆေးကြောပေးပါတယ်။ ဘာ့ကြောင့်လဲဆိုတော့ ဘရက်ရ်ှမှာ ကပ်ငြိ်နေနိုင်တဲ့ ဘတ်တီးရီးယား ပိုးမွှားများကတစ်ဆင့် အသားအရေပျက်စီးစေတဲ့ အတွက်ကြောင့်ပါ။

(၃) ကင်မ်ကာဒါရှီယန်အတွက် မရှိမဖြစ်အုန်းဆီ

ကင်မ်ကာဒါရှီယန်က အုန်းဆီဟာ သူမအတွက် မရှိမဖြစ်လိုအပ်တဲ့ အဆီတစ်မျိုးလို့ ဆိုပါတယ်။ မိတ်ကပ်ဖျက်တဲ့အခါမှာလည်း သဘာဝအုန်းဆီကိုပဲ အသုံးပြုဖြစ်တယ်လို့ သိရပါတယ်။ ပြီးတော့ သူမရဲ့ အသားအရေ စိုပြေလှပနေစေတဲ့ လျှို့ဝှက်ချက်ကလည်း အုန်းဆီပဲ ဖြစ်ပါတယ်။ ဆံပင်သန်စွမ်းကျန်းမာဖို့အတွက်လည်း မကြာခဏ အုန်းဆီနဲ့ ပေါင်းတင်တဲ့အကြောင်းကိုလည်း ပြောပြခဲ့ပါတယ်။

(၄) အရေပြားပေါ်ကအဆိပ်အတောက်များကို ဖယ်ရှားနည်း

အသားအရေပျက်စီးစေတဲ့ ဆဲလ်သေများနဲ့ အရေပြားပေါ်က အဆိပ်အတောက်များကို ဖယ်ရှားဖို့အတွက် ရေချိုးတဲ့အခါတိုင်း သူမပုံမှန်ပြုလုပ်ဖြစ်တဲ့ နည်းလမ်းလေးကိုလည်း ပြောပြခဲ့ပါသေးတယ်။ ချိုးမယ့် ရေထဲကို သဘာဝသကြား တစ်ဇွန်းလောက်ရောထည့်ပြီးမှ ရေချိုးလေ့ရှိတယ်လို့ သိရပါတယ်။ သကြားက ဆဲလ်သေများကို ဖယ်ရှားသန့်စင်ပေးနိုင်တဲ့ အတွက် အသားအရေကြည်လင်ဝင်းပစေတယ်လို့ ဆိုပါတယ်။

(၅) နှုတ်ခမ်းအလှရဲ့လျှို့ဝှက်ချက်

ကင်မ်ကာဒါရှီယန်အပါအဝင် ကိုင်လီဂျန်းနာ၊ ကန်ဒယ်လ်ဂျန်းနားတို့ကလည်း ဆွဲဆောင်မှု ရှိတဲ့ နှုတ်ခမ်းအလှပိုင်ရှင်တွေလို့ ဆိုရပါမယ်။ ကင်မ်ကာဒါရှီယန်အနေနဲ့တော့ သူမရဲ့နှုတ်ခမ်းကို Lip Liner နဲ့ပဲ ပုံဖော်ပြီး နှုတ်ခမ်းနီ၊ gloss တွေ မဆိုးဘူးလို့ သိရပါတယ်။ များသောအားဖြင့် Lip Liner တစ်မျိုးတည်းနဲ့ပဲ နှုတ်ခမ်းအလှကို ပုံဖော်ဖြစ်တယ်လို့ ဆိုပါတယ်။

(၆) ဆံပင်အလှထိန်းသိမ်းနည်း

သူမအနေနဲ့ တီဗီအစီအစဉ်တွေမှာ ပရိသတ်တွေမြောက်မြားစွာနဲ့ ထိတွေ့ရတဲ့ သူတစ်ယောက်ဖြစ်တဲ့ အတွက် နေ့စဉ်ခေါင်းလျှောတယ်လို့ ထင်ကောင်းထင်ကြပါလိမ့်မယ်။ အမှန်တော့ သူမက ၅ရက်တစ်ကြိမ်သာ ခေါင်းလျှော်တဲ့သူပါလို့ အင်တာဗျူးတစ်ခုမှာ ပွင့်ပွင့်လင်းလင်းပြောပြခဲ့ပါတယ်။ ခေါင်းလျှော်ပြီး ပထမနေ့နဲ့ ဒုတိယနေ့ကိုတော့ သဘာဝအတိုင်း ဆံပင်ဖားလျား ချထားတတ်ပါတယ်။ တတိယနေ့ကိုတော့ ဆံပင်ဖြောင့်စက်အသုံးပြုပြီး ဆံပင်လှပအောင် ပုံပြန်သွင်းပါတယ်။ စတုတ္ထနေ့ကိုတော့ သူမရဲ့အဆီပြန်နေတဲ့ ဆံပင်ကို သပ်သပ်ရပ်ရပ်လေးနဲ့ ကြည့်ကောင်းနေစေဖို့ ဆံပင်စည်းထားလိုက်တယ်လို့ ဆိုပါတယ်။

(၇) သူမရဲ့ နုပျိုလှပခြင်းရဲ့ လျှို့ဝှက်ချက်

အသားအရေတင်းရင်းလှပနေတာကလည်း ကင်မ်ကာဒါရှီယန်ရဲ့ အားသာချက်တစ်ခုပါပဲ။ သူမအနေနဲ့ အပြင်သွားတဲ့အခါတိုင်း နေလောင်ဒဏ်ကာကွယ်တဲ့ ခရင်မ်ကို လိမ်းတယ်လို့ ဆိုပါတယ်။ ပြီးတော့ ညဘက်မှာဆိုလည်း ရေနွေးအဝတ်စနဲ့ မျက်နှာကို သန့်စင်ဆေးကြောပေးပါတယ်။

(၈) ညှို့အားပြင်းတဲ့ မျက်ဝန်းတစ်စုံပိုင်ဆိုင်နိုင်ဖို့

သူမရဲ့ ညှို့မျက်ဝန်းလေးတွေရဲ့ လျှို့ဝှက်ချက်ကတော့ မျက်တောင်မွှေးလေးတွေပါပဲ။ သဘာဝအတိုင်း ရှည်လျားတဲ့ မျက်တောင်မွှေးလေး ပိုင်ဆိုင်ဖို့အတွက် ညအိပ်ရာဝင်ခါနီးတိုင်း မျက်တောင်မွှေးကို ဗီတာမင်အီး ဒါမှမဟုတ် ကြက်ဆူဆီ သုတ်လိမ်းပေးတယ်လို့ ဆိုပါတယ်။

နန်း(ရွှေအင်းလေး)

( ဒီဆောင်းပါးကို Takhon ၏ မိတ်ဖက် Shweinnlay အွန်လိုင်းမီဒီယာမှ ကူးယူဖော်ပြပါသည် )

ပြန်လည်မျှဝေလိုက်ပါ..

Leave a Comment