Knowledge

ယောကျာင်္းတွေ ဘာလို့ဖောက်ပြန်သလဲ

စုဖုရားလတ်သည် သီပေါ မင်းကို မင်းသားဘဝ ထဲက တွေ့ဖူး သဖြင့် အရိုအသေ မရှိချေ ။

ဒိုင်းခင်ခင် သည် သီပေါမင်းကို ဘုရင်ဖြစ်မှ တွေ့ရခြင်းကြောင့် လေးစား ကြောက်ရွံ့မှု့ရှိသည် ။

ထို ၂ ချက်သည် မိုးနှင့် မြေလို အကွာကြီး ကွာ၏ ။စုဖုရားလတ်ထံတွင် မတွေ့ရသော မိန်းမတယောက်၏ အရေးပေး လေးစားခြင်းကို ဒိုင်းခင်ခင် ဆီမှ ရ၏ ။ဒိုင်းခင်ခင်နှင့် တွေ့ရသည့်အခါ သိမ်ငယ်စိတ်များ လျော့ပါးစေသည်။ မိန်းမတယောက် ၏ အလေးမြတ် ပြုခြင်း ကြောင့် ယောက်ကျားတယောက်အတွက် လိုအပ်သော မိမိကိုယ်မိမိ ယုံကြည်စိတ်ချ ခြင်းကို ခံစား ရ၏ ထို့ကြောင့် အလွန် မြတ်နိုး လေသည်။စုဖုရားလတ်သိ ချိန်တွင် ဒိုင်းခင်ခင် သည် ကိုယ်ဝန်လွယ် ထားရလေပြီ ။

မခန့်မှန်းနိုင်သော စုဖုရားလတ်ဒေါသကို မည်သူမျှ မတားဆည်း နိုင်ပေ ။ထိုကာလသည် မိန်းမတယောက် အချစ်ဆိပ် ငယ်ထိပ်မှာ တက်နေသော အချိန် ပင်။ ”

စာရေးကောင်းတဲ့ Sis Ellen Grace ရေးထားတဲ့ စာလေးတပုဒ်ထဲက ဒါလေးဖတ်မိတော့ ယောကျာင်္းဖြစ်ဖြစ် မိန်းမဖြစ်ဖြစ် တန်ဖိုးထားမှု့ နဲ့ လေးစားမှု့ကို အနဲ နဲ့ အများတော့ အားလုံးလိုချင်ကြသူချည်းလို့ တွေးမိတယ် ။ ဖောက်ပြန်တယ်လို့ နာမည်ဆိုးတွေ တပ်ကြတဲ့ နှလုံးသားအလိုလိုက်မှု့တွေဟာ အဲဒီတန်ဖိုးထားမှု့နဲ့ လေးစားမှု့မရှိခြင်းကလာတယ် ။

တချို့က အချစ်ဆိုတဲ့ စကားလုံးကို တွင်တွင်သုံးတယ် ။ ပြီးတော့ သူတို့ က မချစ်တတ်ကြဘူး ။ ငါ့ လက်ခုပ်ထဲကရေ ဆိုပြီး တန်ဖိုးထားမှု့လျှော့လာရင် ကြာရင် အိမ်ထောင်ရေးကို စိတ်ကုန်လာတတ်တာပါပဲ ။

သိပ်ချစ်လို့ လက်ထပ်ခဲ့ကြတဲ့ လင်မယား ၂ ယောက်ရှိတယ် ။ အသက်လည်း မတိမ်းမယိမ်း ။ ဇနီးဖြစ်သူကလည်း သိပ်ချော သိပ်ကျက်သရေ ရှိတယ် ။ သူတို့ က မရှိအတူ ရှိအတူ ရုန်းကန်လာကြတယ် ။ ဇနီးဖြစ်သူက ပိုထက်မြက် စီးပွားရှာတာ ပို တော်တယ် ။ ယောကျာင်္းက သိပ်မထက်ဘူး ။ ဇနီးရှာလို့ ချမ်းသာလာတယ် ယောကျာင်္းက အလုပ်တခု လုပ်လိုက် ရှုံးလိုက် နဲ့ မအောင်မြင်ဘူး ။ ကြာတော့ မိန်းမက ယောကျာင်္းကို အထင်သေးလာတယ် ။ အထင်မကြီးတော့ တဲ့ အခါ အရိုအသေ တန်လာတယ် ။ နှစ်တွေကြာတော့ ချူစားချင်လို့ ယောကျာင်္းကို အစ်ကို ရဲ့ အစ်ကိုက သိပ်တော်တာပဲ ဆိုပြီး မြှောက်တဲ့ မိန်းမနဲ့ တွေ့တော့ အဲဒီယောကျာင်္းပါသွားရော ။ အဲဒီ မြှောက်ပင့်ချူ စားတဲ့ မိန်းမ ရဲ့ ရုပ်ရည် အသွင်အပြင်ဟာ မယားကြီး ခြေဖျားတောင် မမှီဘူး ။ ဒါပေမယ့် ယောကျာင်္းရဲ့ အတ္တ နဲ့ မာန ကို အရောင်တင်ပေးနိုင်တော့ အဲဒီ မိန်းမကိုသာ ပေါင်းသင်းဖို့ ယောကျာင်္းက ရွေးချယ်ခဲ့တယ် ။

ပုံပြင်လေးကတော့ ဒါပါပဲ။ လင်နဲ့ မယား အတူနေတာကြာပြီး တယောက်အကြောင်း တယောက် သိပ်သိသွားရင် လေးစားအထင်ကြီးတာတွေမကျန်တော့တဲ့ အခါ အချစ်ဆိုတာလည်း မကျန်တော့ဘူး .. အချစ်နဲ့ လေးစားခြင်းဟာလည်း တိုက်ရိုက် အချိုးကျပါတယ် ..လေးစားနိုင်မှလည်း ချစ်နိုင်မှာ ..လေးစားဖို့ တန်ဖိုးထားဖို့ ဆိုတာကလည်း အလကားမရနိုင်ပါ ..
လေးစားအောင် တန်ဖိုးရှိအောင် နေပါမှ ပဲ ရနိုင်မယ် မဟုတ်ပါလား

ဖိုးသူတော် (www.phothutaw.com)
Credit: Ma Ma Sukhita Chaw

ပြန်လည်မျှဝေလိုက်ပါ..

Leave a Comment